كلمة (( بحبك )) عمرك قولتها من قلبك بجد ؟؟
ثوانى قبل ما تقول اه او لأ ....
مش قصدى تقول كلمة بحبك لشخص ....
قصدى تقول كلمة بحبك لربنا ..
عمرك فكرت تقوم تتوضى وتصلى ركعتين فى جوف الليل وتناجى ربنا وتقول (( بحبك يارب )) .
وهل سواه يستحق كل حبك ..... هل سواه جلا فى علاه يستحق ان يملأ قلبك ...
فكرت قبل كده تعد نعم ربنا عليك ... فكرت ولا مش خطــر على بالك الكلام ده ...
تأمل قول الحق تبارك وتعالى ...
(وَإِنْ تَعُدُّوا نِعْمَتَ اللَّهِ لَا تُحْصُوهَا إِنَّ الْإِنْسَنَ لَظَلُومٌ كَفَّارٌ)..
يعنى حتى لو فكرت تعد نعم ربنا عليك مش هتقدر تحصيها ...
طيب نعد شوية من نعم ربنا علينا مع بعض ::..
نعمة الاسلام وكفى بها نعمة .... ونعمة الصحة والستر .... ونعمة البصر والسمع والكلام ....
ونعمة الاب والام والاخوات ..... ونعمة النجاح والتوفيق .....
ونعمة انك دلوقتى قادر تستخدم جهاز الكمبيوتر وتقرأ كلامى ده ..... نعمة انك قادر تمشى على رجليك وتروح لشغلك وترجع لبيتك ...
ونعم كتيرة اوى ....
كل النعم دى مش تستحـق انك تقول (( بحبك يا رب ))
بلاش كل النعم دى .....
ربنا وستره علينا لوحده مش كفايه علشان نحبه ...
اللهم لا تفضحنا بخفى ما اطلعت عليه من اسرارنا. ولا بقبيح ما تجرأنا به عليك فى خلواتنا يارب العالمين ..
شوف لو حد خفى عيب من عيوبك على الناس هتكون ممنون ليه قد ايه ...!!
شوف لو حد قدم لك خدمة هتكون عاوز تخدمه بعنيك قد ايه ...
شوف ربنا اللى جعل الدنيا دى كلها ملك لك ... مش يستحــق انك تقول له (( بحبك يا رب )).
(اللهم إني أسألك حبك، وحب من يحبك، وحب كل عملٍ يقربني إلى حبك، اللهم اجعل حبك أحب الى من اهلى ومن مالى ومن ولدى ومن الماء البارد على الظمأ ) .
بجد وفى نهايه كلامى كل حد لازم يقاعد مع نفسه ويشوف هو عمره قال الكلمه دى ولو لا ؟؟
ولو قاله كانت من قلب صادق ؟
الدولة